20 August 2015
01:06 - ИШИД Палмирадаги қадимий ёдгорликларнинг сақловчиси ҳисобланадиган одамнинг бошини олди
Ал-Арабия телеканалига асосланиб тарқатилаётган хабарларга кўра, ИШИДнинг жангарилари Суриянинг Палмира шаҳридаги қадимий ёдгорликларни ўрганиш билан шуғулланадиган ва бу ёдгорликларнинг рамзий сақловчиси ҳисобланадиган 82 ёшли археолог Ҳалед Асаднинг калласини кесиб, танасини Палмира марказидаги қадимий колоннага осиб қўйибдилар.

Палмира шаҳри эрамиздан аввал яҳудийлар тарафидан қурилган, ҳозирги эранинг бошларида Рим империяси қўлига ўтган эди. Ўша пайтда гуллаб-яшнаган шаҳарнинг вайроналари ҳалигача одамни ҳайрон қолдиради. Археолог Ҳалед Асад 50 йилдан бери шу вайроналарни ўрганиш ва сақлаб қолиш ишлари билан шуғулланган, кўринишидан, шу ишларнинг раҳбари бўлган.

Аввалиги хабарларимиздан маълумки, Палмира шу йилнинг март ойида ИШИД тарафидан босиб олинган ва бир қатор тарихий ёдгорликлар портлатиб йўқ қилинганди. Мана энди, бегуноҳ бир олимнинг боши танасидан жудо қилинибди.
« Олдинги хабар Хабарлар рўйхати Кейинги хабар »