04 August 2015
22:50 - Тошкентдаги корейс элчихонаси йирик фирибгарлар гуруҳини фош қилди
“На посту” газетаси чоп этган хабарга кўра, Тошкентда ҳужжатларни сохталаштириш, хусусан, сохта диплом тайёрлаб сотиш билан шуғулланган гуруҳ қўлга олинган. Яъни, Жанубий Кореяга иқтисодиёт бўйича мутахассис сифатида ишлашга кетаётган фуқаро Владислав Тен ўз ҳужжатлари билан Жанубий Кореянинг Тошкентдаги элчихонасига келибди. Элчихона ходимлари дипломнинг ҳақиқийлигидан шубҳаланиб, ИИБга текширишга юборган. Шу тариқа қўлга олинган Тен сўроқ давомида унга ушбу дипломни тайёрлаб берган жиноий гуруҳ аъзоларини бирма-бир тутиб берган.

Газета хабарига кўра, фирибгарлар гуруҳига бошчилик қилган Сергей Ли ёшлигидан сохта ҳужжатлар тайёрлаш билан шуғулланиб келган. Унга бу ишда шериклари ёрдам берган: Станислав исмли шахс мижоз топиб берган, Татьяна Бочкарёва эса сохта имзолар қўйиш борасида мутахассис саналган. Гуруҳ узоқ йиллар мобайнида бу иш билан шуғулланиб келган.

Терговлар давомида гуруҳ томонидан амалга оширилган барча жиноятлар миқдори аниқланмоқда экан.
« Олдинги хабар Хабарлар рўйхати Кейинги хабар »