29 June 2015
22:14 - Тожикистон билан навбатдаги чегара муаммоси: икки чегарабузар тожик ҳибсга олинди
Ўзбекистон чегарачилари икки нафар Тожикистон фуқаросиниҳибсга олди, деб хабар қилди Ўзбекистон МХХ Давлат чегарасини ҳимоя қилиш қўмитаси матбуот маркази. МХХ воизларига кўра, воқеа Фарғона вилоятининг Бешариқ тумани Андархон қишлоғидаги чегара пункитида содир бўлган. Қўлга олиш жараёнида тожикистонликлар чегара нарядига қаттиқ қаршилик кўрсатишган.

“Хавфсизликни таъминлаш ҳамда ҳуқуқбузарларни қўлга олиш мақсадида осмонга огоҳлантирувчи ўқ отилди. Натижада Тожикистоннинг Сўғд вилояти Конибодом тумани Яккатерак қишлоқ фуқаролар йиғинида истиқомат қилувчи, 1985 йили туғилган Т. Усмонов сонидан жароҳат олди”, – дейилади хабарномада. Усмонов Бешариқ марказий туман шифохонасига ўрта оғир аҳволда ётқизилибди. Иккинчи ҳуқуқбузар – ўша туманнинг Патар қишлоғида 1991 йили туғилган Х. Қобилов эса қамоқда ўтирибди.
« Олдинги хабар Хабарлар рўйхати Кейинги хабар »