16 May 2015
12:40 - АҚШда теракт уюштирган ака-ука Тамерлан ва Жоҳар Царнаевларнинг кичиги ўлимга ҳукм қилинди
2013 йил 15 апрель куни АҚШнинг Массачусетс штатидаги Бостон шаҳрида ўтказилаётган оммавий марафон (42 километр 195 метрга югириш) пайтида 2 та портлаш уюштириб, 3 кишининг ўлимига, 280 кишининг ярадор бўлишига сабабчи бўлган ака-ука Тамерлан ва Жоҳар Царнаевларнинг миллати чечен бўлиб, улар 2002 йилда ота-оналари билан АҚШга қочқин мақоми билан кўчиб келгандилар.

АҚШнинг махсус хизматлари Бостондаги терактни уюштиришда гумон қилинган ака-ука Царнаевларни дарҳол қидиришга бошлади. Уларнинг каттаси, 1986 йили туғилган Тамерлан 19 апрель куни полициядан қочаётган пайтда оғир ярадор бўлиб, қўлга тушди ва ўша куниёқ касалхонада ўлди. Ўша куни 20 ёшли Жавоҳир қўлга олинди. Узоқ давом этаган тергов жарёнидан кейин, унинг иши судга берилди. 2015 йил 15 январда бошланган суд кеча, яъни 15 майда Жоҳар Царнаевни ўлимга ҳукм қилди.

Бостондаги теракт катта шов-шувга сабаб бўлган бўлса ҳам, Жовҳар устидан ўтказилган суд жамотчликда катта қизиқиш уйғотмади. Чунки, бу ака-ука ислом экстремизми ва терроризми қопқонига тушган оддий аҳмоқлардан бошқа нарса эмасдилар. Буни ҳаммдан аввал тушунган “Ҳаракат” агентлиги Бостон теракти ҳақида хабар беришни ҳам лоим топмаган, фақатгина Ислом Карим бу воқеа муносабати билан Вашингтонга таъзия билдирганини тилга олиб ўтганди, холос.
« Олдинги хабар Хабарлар рўйхати Кейинги хабар »