“Озодлик” радиосининг қримтатарча Qrim Aqiqat хизматига асосланиб тарқатилаётган хабарларга кўра, Москва тарафидан тайинланган Қримнинг хўжайини Сергей Аксенов Қримтатарлари “Номус” оқсоқоллар кенгаши аъзолари билан учрашгандан кейин, Россия ҳукуматидан Ўзбекистонга делегация юборишни сўрамоқчи эмиш. Сабаб – қримтатарларнинг анчагина қисмида реабилитация ҳақида справка йўқ эмиш, қримтатарлари Ўзбекистонга бориб бу справкани олиб келишлари керакмиш.

Бу тўғридан-тўғри қримтатарларни таҳқирлашдир, дейди мухиримиз. Чунки, Сталин замонида ўз ерларидан Марказий Осиё ва СССРнинг бошқа ҳудудларига зўрлаб кўчирилган халқларнинг ҳақ-ҳуқуқлари Совет замонидаёқ тикланган эди. Бу хусусда кўплаб ҳужжатлар қабул қилинган. Уларнинг охиргиси СССР Олий Советининг 1989 йил 14 нябрь куни қабул қилинган Декларацияси бўлиб, унда ҳамма репрессия қилинган халқлар реабилитация қилингани эълон қилиган.

Қримни босиб олган Россиянинг Қримдаги вассалаи ҳақиқатдан ҳам ҳаддидан ошмоқда. У вассал эканми, Путин ҳаддидан ошмоқда. Турк Дунёси давлатлари Путиннинг бу қилаётган ишларини очиқча қоралашлари ва "қримтатарлардан қўлингни торт" дейишлари керак.