25 March 2015
21:47 - Жамоат жойида чекишга нисбатан жавобгарлик кучайтирилади
Маҳаллий матбуот хабарига кўра, Парламентнинг Қонунчилик ва суд-ҳуқуқ масалалари бўйича Қўмитаси алкогол ва тамаки маҳсулотларини жамоат жойларида истеъмол қилишни чеклаш борасидаги қонун талабларини бузганлик учун жавобгарликни оширувчи қонун лойиҳаси муҳокама этмоқда. Ўтган йилда алкогол ва тамаки маҳсулотларининг истеъмол қилинишини тартибга солувчи қонунлар таҳлил этилиб, натижада маъмурий жавобгарлик тўғрисидаги Кодекснинг айрим меъёрларини такомиллаштириш зарурлиги маълум бўлди. Шу сабабли, ҳукумат томонидан ушбу Кодексга ўзгартириш ва қўшимчалар киритиш таклифлари тайёрланган.

Маъмурий жавобгарлик тўғрисидаги Кодексда жамоат жойларида спиртли ичимликларни истеъмол қилиш, шунингдек транспортда чекиш учун жарима санкцияларни қўллаш назарда тутилган. Аммо, бу меъёрларни амалда қўллаш борасида айрим мунозарали масалалар пайдо бўлмоқда, деб ёзади маҳаллий веб нашрлар.

Шундан келиб чиққан ҳолда,депутатлардан иш жойида алкогол маҳсулотларини истеъмол қилиш учун жавобгарлик даражасини ошириш, “жамоат жойи” деган тушунчага аниқлик киритиш, жамоат жойларида алкогол маҳсулотларини истеъмол қилиш ва тамаки ҳамда алкогол масҳулотларини тарғибот қилиш учун маъмурий жавобгарликни белгилаш сўралмоқда.
« Олдинги хабар Хабарлар рўйхати Кейинги хабар »