25 March 2015
07:41 - Украина ҳокимияти ичидаги конфликт ечиладиганга ўхшайди
Кечаги хабарларимиздан бирида Днепропетровск губерантори, олигарх, кучли мавқега, ҳатто ўз қуролли отрядларига эга бўлган Игорь Коломойский билан Президент Петр Порошенко ўртасида чиққан жанжал кучайса, бу нарса Россиянинг фойдасига ишлаши ҳақида гапирган эдик. Бир неча кун аввал бошланган конфликт кеча ҳал бўлганга ўхшайди. Украина ахборот воситалари хабар қилишича, кеча кечқурун Петр Порошенко Игорь Коломойский билан учрашибди ва уларнинг суҳбати натижасида Игорь Коломойский истеъфо аризаси берибди, Порошенко уни қабул ҳам қилибди.

Конфликт бунчалик осон ҳал бўлганига ишониш қийин, дейди мухбиримиз. Аммо, жараён конфликтни ҳал этиш йўналишида кетишга бошлаганининг ўзи ҳам ижобий воқеа. Табиий, қандайдир компромиссларга борилган, бироқ, нима бўлганда ҳам, Коломойский давлат манфаатларини юқори қўйиб, шундай олижаноб қадам қилган бўлса, уни олқишлаш ва конфликт тўла ҳал бўлишига умид қилиш керак.
« Олдинги хабар Хабарлар рўйхати Кейинги хабар »