Немисларнинг Germanwings авиакомпаниясига оид Airbus A320 йўловчи учоғи Испаниянинг Барселона шаҳридан Германиянинг Дюссельдорф шаҳрига қараб бугун маҳаллий вақт билан эрталаб йўлга чиқди. Аммо, учоқ Франциянинг жанубда Альп тоғлари устида ҳозирча номаълум сабаб билан қулаб тушди. Хабарларга кўра, учоқдан авария ҳақида сигналлар ҳам келишга бошлаган экан.

Учоқда 150 киши, 144 йўловчи, уларнинг кўпчилиги немислар, тахминан 50 нафари испаниялик ва 6 нафар учоқ экипажи бўлган. Ҳамма ҳалок бўлган. Франция ва Германия мутахассислари биргаликда учоқ тушган жойда ўлганларнинг жасадларини тўплаш билан шуғулланмоқдалар.

Қани энди, бундай ҳалокатлар бўлмаса, аммо, минг афсуски, бу каби ҳалокатлар замонавий ҳаётнинг ажралмас парчасига айланиб бормоқда. 150 киши жонидан айрилди, уларнинг яқинлари мотамга кирди. Уларга ҳамдарлигимизни изҳор қиламиз. Ҳалок бўлганларнинг тупроғи енгил бўлсин.