23 March 2015
21:51 - Украинанинг собиқ президенти Януковичнинг кичик ўғли фожеали шаклда оламдан ўтди
Бугун Украина Ички ишлар вазири маслаҳатчиси Антон Геращенко Украина собиқ президенти Виктор Януковичнинг кичик ўғли оламдан ўтгани ҳақида юрган хабарларни тасдиқлади. Маълум бўлишича, кичик Янукович Байкал кўли устидаги муз устидан микроавтобус ҳайдаб кетаётганда муз ёрилиб, чўкиб кетган.

“Ҳақиқатан ҳам, кичик Виктор Янукович Байкал кўли яқинида ўртоқлари билан дам олаётган бўлган. Бундай пайтда муз устидан ҳали юрса бўлади. Бироқ у омадсизликка учраганга ўхшайди. Бу фалокатдан омон чиққанларнинг берган маълумотларига кўра, кичик Янукович эски муз билан янги муз бир-бирига тегиб турган жойга тушиб қолган. Ва айнан шу жойда муз ёрилиб кетган”, – деб айтди Геращенко.

Қаранг, шундай ёшгина йигит Украина парламентининг депутати ҳам бўлишга улгурган экан. Отаси яратиб берган тўқликка шўхлик ахир уни ҳалокатга олиб борибди.
« Олдинги хабар Хабарлар рўйхати Кейинги хабар »