23 February 2015
01:14 - Юсуф Жума: Санксиялар

(ҳазил)

Босди ўрис Қримни,
Ғаним тийилсин дея.
Ғарб билан Америка
Берар ҳар кун санксия.

Бир замонлар подшолар,
Одамлар бўлган ахмоқ.
Тўп отганга тўп отиб
Зафар излашган узоқ.

Бугун душман тўп эмас
Отар бетин ракета.
Қарши зарба - санксия,
Берар Ғарб, Америка.

Мен ҳам бугун оқилман,
Жанжалга тоқатим ёқ.
Ит мушукка ташланса
Санксия деб урдим дўқ.

Неваралар жанжалкаш,
Пешалари тўполон.
Бас, дейман, йўқса Сизга
Санксия берар жаҳон.

Парво қилмас бир этак
Бола-бақра, шумтака.
Бергин яна санксия
Ғарб билан Америка.

10. 02. 2015
« Олдинги хабар Хабарлар рўйхати Кейинги хабар »