Аввалдан эълон қилинганидек, кеча 11 фералда Минскда “Нормандия тўртлиги”нинг саммити бошланди. Франция, Германия, Россия ва Украина раҳбарлари Франсуа Олланд, Ангела Маркел, Владимир Путин ва Петр Порошенко аввалига Белорусия Президенти Александр Лукашенконинг ҳам иштирокида расмга тушдилар ва маҳаллий вақт билан кечқурун соат 9 ларда (Тошкентда ярим кеча) Украина жанубидага кризисни ҳал қилиш, тўғрироғи, феълан Украина-Россия урушини тўхтатиш масаласини муҳокама қилиша бошладилар. Музокараларда Лукашенко иштирок этаётган йўқ.

Аввал бу тўрт мамлакат раҳбарларининг иштирокида учрашув бўлди, кейин уларга ташқи ишлар вазирлари қўшилди. Кейин яна раҳбарларнинг ўзи қолди. Улар овқат ейиш учун танаффус ҳам қилдилар.

Ичкарида нима бўлаётгани ҳақида ҳеч қандай аниқ хабар йўқ. Россия ташқи ишлар вазири Сергей Лавров музокаралар кутилгандан ҳам яхши кетаётганини айтса, Украина Президентининг маслаҳатчиси Валерий Чалий “нервлар жанги” кетаётганини гапирмоқда.

Хуллас, учрашув 10 соатчадан бери давом этмоқда. Келишув шартномасининг лойиҳси олдиндан тайёрлангани айтилган эди. Лидерлар аввалдан тайёрланган ҳужжат устида келишолмаётган бўлсалар, ишлар чатоқ. Ёки ҳеч қандай келишув бўлмайди, ёки номигагина бир қоғоз имзоланади, уруш авжига чиқади, Ғарб санкцияларни оширади, Украинага қурол беришни бошлайди.

У ёғи нима бўлади? Ҳали номаълум, аммо охир-оқибатда Россия Федерацияси парчаланиб кетиши аниқдек кўринмоқда.