Бугун Ўзбекистон Республикаси Марказий Сайлов Комиссияси навбатдаги президентлик сайловлари кунини белгилади. 2015 йилнинг 29 март куни Ўзбекистонда президентлик сайловлари ўтказилади. Шу муносабат билан бугундан мамлакатимизда президентлик сайлови кампанияси старт олди, комиссия сайловга тайёргарлик дастурини тасдиқлади.

“Сайловга тайёргарлик кўриш ва уни ўтказиш билан боғлиқ барча тадбирлар Марказий сайлов комиссияси, тузиладиган сайлов комиссиялари томонидан очиқ ва ошкора, Ўзбекистон Республикаси Конституцияси, сайлов тўғрисидаги қонунларга қатъий мувофиқ амалга оширилади”¸ деди баёнотни эълон қилган МСК раиси Мирзоулуғбек Абдусаломов.

Маълумотларга кўра, навбатдаги президентлик сайловларида мамлакатдаги қўғирчоқ сиёсий партиялар ҳамда яшиллар ҳаракати ўз номзодларини илгари суради. Бу сафар “Миллий тикланиш” демократик партияси номзоди сифатида ўз омадини синаб кўрадиган Ислом Карим президентлигини давом эттиради. Сўнгги сайловда Каримовнинг номзодини илгари сурган “Фидокорлар” партияси ҳозир йўқ бўлиб кетган, тўғрироғи, “Миллий тикланиш”га қўшилган.