25 December 2014
17:39 - Россия ўз рублини кучайтирмоқда, ўзбеклар севиниши керак, аммо бу билан узоққа боролмаймиз
Маълумки, 16 декабрда Москва биржасида 1 доллар 80 рубль, 1 евро 100 рублга тенг бўлган эди. Ваҳоланкии, йиллардан бери 1 доллар 35 рубль атрофида бўларди.

Шу кунларда рублнинг тушиши тўхтади, у ҳатто юксалишга бошлади. Бугун Москва биржасида 1 доллар 52 рублдан ҳам бироз тушгани хабар қилинди.

Демак, рубль қайтдан кучайишга бошлади, бу нарса ўзбекларнинг ҳам севинтириши керак. Чунки, Россияда ишлаётган миллионлаб ўзбекистонлик меҳнат муҳожирларининг пули билан Ўзбекистондек давлатнинг бюджети оёқда турибди.

Аммо, бироз илгарига қараш ҳам шарт. Рублнинг кучайиши Ғарбнинг санкциялари остида чўкаётган Россия иқтисодинии қутқаролмайди. Бунинг устига, Ғарб санкцияларни янада кенгайтириш ҳақида гапирмоқда.

Рублнинг кучайиши эса, Россиянинг авваллари олтин-валюта деб аталадиган халқаро заҳираларининнг камайиши ҳисобига бўлмоқда. Яъни, Россия валюта заҳираларини сотиб, рублни кучайтирмоқда. Рус ахборот воситаларининг расмий идораларга асосалниб тарқатган маълумотларига кўра, 13-19 декабрь кунлари Россиянинг халқаро заҳиралари $15,7 млрд камайиб, $398,9 млрд бўлибди. Тахмин қилиш мумкинки, бугунгача яна шунча тушиш бўлган. Демак, Россия иқтисодининг чўкиши давом этади.

Шундай экан, Россияда ишлаётган миллионлаб ўзбекларнинг тақдири устида ўйлаш - ҳозирги Ўзбекистон ҳукуматининг вазифасигина эмас, мажбурияти бўлиб қолмоқда. Аммо, ҳозирги ҳукуматдагилар ичида бундай глобал муаммоларнинг ҳал этишни қўйиб туринг, уларни тушунадиганлар ҳам йўқ. Минг айсуски.

Ўзбек миллати ўз келажаги устида ўзи ўйлаши, мамлакат ва миллатнинг касалликларига тўғри баҳо қўйолган “Бирлик” Партияси атрофида бирлашишдан бошқа йўл йўқлигини тушуниши керак.
« Олдинги хабар Хабарлар рўйхати Кейинги хабар »