24 December 2014
21:46 - Мигрантларимизнинг Ўзбекистонга пул жўнатмалари сезиларли камайди
“Новости” ахборот агентлигининг Россия Марказий банкига асосланиб трқатган хабарида мигрантларимизнинг Россиядан мамлакатимизга пул жўнатмалари шу йилнинг октябрь ва ноябрь ойларида 35 фоизга камайди.

Табиийки, бунга рублнинг АҚШ доллари ва ЕИ валютасига нисбати тушиб кетгани сабаб бўлган. Мисол учун, ўтган йили ўзбекистонлик муҳожирлар бу борада МДҲда биринчи ўринни эгаллаб, ўз юртига 6,7 миллиард АҚШ доллари жўнатишганди. Ҳатто бу 2012 йилдагига нисбатан 17 фоизга кўп бўлган.

Аввалги хабарларимизда Россиядаги расмий манбаларга асосланиб, бу мамлакатда 2,7 миллиондан ортиқ юртдошимиз меҳнат қилаётгани, амалда эса бундан ҳам кўп бўлиши мумкинлиги ҳақида маълумот бергандик. Афсуски, Путиннинг Қрим сиёсати ва унга қарши Ғарб киритган санкциялар туфайли Россиянинг иқтисоди чўкмоқда. Натижада мардикорларимизнинг иши ҳам орқага кетди, булар Ўзбекистоннинг иқтисоди учун ҳам катта зарба бўлиши муқаррар, дейди мухбиримиз.
« Олдинги хабар Хабарлар рўйхати Кейинги хабар »