24 December 2014
06:46 - Колликтив Хавфсизлик Шартномаси Ташкилотининг Москвадаги cаммити масхарабозлик руҳида ўтди
Москвада ўтган Колликтив Хавфсизлик Шартномаси Ташкилотининг cаммити масхарабозлик руҳида бўлганини тушуниш учун жуда катта ақл ҳам керакмас.

1992 йил 15 май куни Тошкентда Лубянканинг одами Ислом Каримнинг ташаббуси билан тузилган Колликтив Хавфсизлик Шартномаси Ташкилотининг (КХШТ) мақсади МДҲнинг Москва назорати остидаги ҳарбий қанотини яратиш эди. Аммо, Россиянинг ўзи буни яратолмади. Қаранг, ҳозир Россия феълан Украина билан уруш ичида, Қримни босиб олди ва унинг ўзининг бир қисми деб эълон қилди. Ғарб Украинани тўла қўллаб-қувватламоқда. Ғарбнинг санкциялари остида Россиянинг иқтисоди чўкмоқда.

Хўш, Колликтив Хавфсизлик Шартномаси Ташкилоти Рорссияни қўллаб қувватламоқдами? Йўқ. Қўллаб-қувватламаётганини қўйиб туринг, Қозоғистон ва Белорусия президентилари Москвадаги саммитдан олдин Киевга бориб бориб Украина Президенти Петр Порошенко билан учрашдилар ва Украинанинг бутунлигини тан олишларини билдирдилар. Бу нарса – Қримни ўзиники деб эълон қилиб бўлган Путинга шапалоқ эмас, мушт уриш-ку.

Кечаги саммитда қатнашган Тожикистон, Қозоғистон, Арманистон, Россия, Белорусия ва Қирғизистон президентлари қуруқ умумий гаплардан иборат баёнот имзолашибди. У ерда эътиборга лойиқ битта нарса бор. Нима эмиш, Тоғли Қорабоғ ва Украинадаги регионал конфликтларни ҳал қилиш керакмиш.

Бу баёнотни Украинанинг бутунлигини тан олган Қозоғистон ва Белорусия президентлари Нурсултон Назарбой ва Александр Лукашенко ҳамда Қрим ҳеч қачон Украинага қайтариб берилмаслигини айтаётган Россия Президенти Владимир Путин имзолаганлари масхарабозлик бўлмаса, масхарабозлик нима ўзи?
« Олдинги хабар Хабарлар рўйхати Кейинги хабар »