18 December 2014
06:45 - Нью-Йорк биржасини яна жин урди, Dow Jones юқорига сакради
Ўтган ҳафта Нью-Йорк фондлар биржасининг асосий кўрсатгичи бўлган Dow Jones индекси 678 поғана (!!) тушиб кетганди, яъни ўпирилиш бўлганди. Жорийдаги ҳафтанинг душанба ва сешанба кунлари ҳам бироз тушиш давом этди. Аммо, охир-оқибатда жараёнлар “Ҳаракат” башорат қилгандек ўзгарабошлади. Кеча Dow Jones индекси бир кунда 288 поғанага (!!!) юксалди. Энди у 17357 га тенг.

Биржа экспертларига кўра, Нью-Йорк фондлар биржаси нефтнинг нархи кескин тушиб кетаётгани, Россия рубли қоғозга айланаётганидан келиб чиқиб, жаҳон иқтисодининг аҳволидан хавотирда экан. Бунинг устига АҚШда Марказий Банк ролини ўйнайдиган Федерал Резерв қарзга бериладиган пулдан олинадиган фойда фоизини оширишга шошилмаяпти. Чунки, айнан шу фоизнинг ошиши иқтисод юксалаётганининг кўрсатгичидир. Кеча ва ўтган куни Федерал Резерв шу масалани атрофлича кўриб чиқиб, янги йилнинг бошида фоиз ставкаси оширилишига имо-ишора қилган эмиш.

Айнан шу имо-ишора туфайли, кеча Dow Jones индекси бир кунда 288 поғанага кўтарилди. Эртага ҳам юксалиш давом этса керак.
« Олдинги хабар Хабарлар рўйхати Кейинги хабар »