17 December 2014
07:53 - Нормандия тўртлиги телефонда гаплашиб, Донецкда тинчлик масаласини муҳокама қилибди
Русларнинг “Новости” Агентлиги хабар беришича, Президент Путин Германия канцлери Ангела Маркел, Франция Президенти Франсуа Олланд ва Украина Президенти Петр Порошенко билан телефонда гаплашибди, улар Донбассда ўт очишни тўхтатиш кераклиги ҳақида келишишибди. Маълумки, бу тўрт лидер АҚШ Иккинчи Жаҳон Урушига расман кириб, унинг қўшинлари Нормандияга келганининг 70 йиллиги билан муносабати билан шу йил 6 июнда Нормандияда ўтказилган тантанали маросимлар доирасида ҳам учрашиб, Украинадаги кризисни муҳокама қилишган ва уларни “Нормандия тўртлиги” деб аташганди. Тўртлик яқин кунларда бир жойга тўпланиб гаплашса керак.

Кечаги телефон суҳбати кимнинг ташаббуси билан бўлгани хабарда айтилмайди. Аммо, тахмин қилиш мумкинки, ташаббус Путиндан чиққан. Чунки, Ғарбнинг санкциялари натижасида Россия буюк кризисга кирмоқда. Ғарб лидерлари эса, Россия Украинадан қўлини тортсагина санкциялар йўқ қилиниши мумкинлигини гапирмоқдалар. Путин ҳозир чекинишга бошлайди. Аммо, у Қрим масаласида чекинишни ўйлаётгани йўқ. Демак, санкциялар ортса ортадики, камаймайди.

Қолаверса, ўт очишни тўхтатиш хусусида келишувлар кўп бўлмоқда, аммо амалда улар бир неча кун ўтар-ўтмас унутилмоқда.

Расм Нормандия тўртлигининг аввалги йиғилишларидан бирида олинган.
« Олдинги хабар Хабарлар рўйхати Кейинги хабар »