16 December 2014
19:32 - Русларнинг рубли қоғозга айланишни давом эттирмоқда, Путин инидан чиқмоқчи эмас
Кеча Москва биржаси бекилганда бир доллар 64,4 рублга, евро 78,9 рублга чиққан эди. Бугун ҳам рублнинг қиймати соат сайин тушушни давом эттирмоқда. Шу дақиқаларда 1 доллар 80 рубль, 1 евро 100 рублга тенг. Хуллас, рубль энди пул эмас, оддий қоғоз.

Хўш, ҳукумат нима қилмоқчи, мамлакат хўжайини Владимир Путин нима қилмоқчи? Путиннинг ёрдамчилари унинг ҳукумат билан фавқулодда мажлис ўтказиш режаси йўқлигини билдиришди. Путинни тушуниш мумкин, у инидан чиққани билан ҳеч нарса ўзгармайди, на унинг командаси, на Дмидрий Медведев раҳбарлигидаги ҳукумат нима қилишни ҳам билмайди.

Ҳали Марказий Банк бу ўзгаришларга ўз жавобини бергани йўқ. У ерда долларнинг расмий курси 58,3461 рубль, евроники 72,6642 рубль. Аммо, қора бозор Марказий Банкдан тезроқ ишламоқда. У ерда евро 150 рублдан сотилаётгани ҳақида хабарлар бор. Хусусий банклар ҳам паника ичида қора бозор кетидан кетишмоқда. Масалан, Райффайзенбанк еврони расман 108,9 рублдан сотмоқда.
« Олдинги хабар Хабарлар рўйхати Кейинги хабар »