06 December 2014
22:16 - Нурсултон Назарбой катта ўйиннинг бошида: Франция Президенти Олмотадан Парижга кетишда Москвада тўхтаб, Путин билан 2 соат кўришди
Кеча Остонда, бугун куннинг биринчи ярмида Олмотада Қозоғистон Президенти Нурсултон Назарбой билан бирга бўлган Франция Президенти Франсуа Олланд бугун куннинг иккинчи ярмида Парижга қайтар экан, кутилмаганда Москвада тўхтаб, Путин билан 2 соат кўришди.

Иккала президент ҳам Внуково-2 аэропортида ўтказилган учрашувнинг фойдали бўлгани, Ураинадаги кризис тинч йўллар билан ечилиши ҳақида фикр аламашганларини урғуловчи баёнотлар тарқатдилар. Путин эса, Украинанинг бутунлиги сақланиб қолиши кераклигини ҳам гапириб қолди.

Эслатиб ўтиш керакки, Франсуа Олланда кеча Остонда Нурсултон Назарбой билан учрашганида Украинадаги кризис масаласи ҳам алоҳида гаплашилгани хабарларда айтилган эди. Кейин ярим кечаси Нурсултон Назарбой Россия Президенти Владимир Путин билан гўёки икки мамлакатнинг ҳамкорлиги билан боғлиқ масалаларни телефон орқали гаплашгани хабар қилинди.

Шу фактлар асосида тахмин қилиш қийин эмаски, Олланд билан Путиннинг учрашуви Нурсултон Назарбой тарафидан уюштирилди. Табиий, бу ерда ҳали жавоби бўлмаган саволлар кўп. Нурсултон Назарбой Путиннинг олдинроқ қилинган илтимоси билан учрашув ҳақида Олланд билан Остонда келишиб, кейин Путинга телефон орқали ҳисобот бермадими? Нурсултон Назарбой Украина кризиси бўйича Ғарб-Россия қарама-қаршилигида кимнинг тарафида турибди? Олланд Путин билан гаплашганда Ғарбнинг талабларини кескин ҳимоя қилдими, ёки у ҳам ўз ўйинини қилмоқдами? Путин ўзининг кеча Федерал Мажлис олдидаги йиллик агрессив руҳдаги мактуб/мурожаатига Ғарб ортиқча эътибор ҳам бермаганидан кейин орқага чекинишга бошламадими?

Бу саволларга жавоби яқинда, аниқроғи, 9 декабрда Украина масаласи бўйича Минскда ўтказиладиган контакт гуруҳининг мажлиси натжаларидан кейин билинишга бошлайди.

Расмда - Путин ва Олланд аввалги учрашувлардан бирида.
« Олдинги хабар Хабарлар рўйхати Кейинги хабар »