05 December 2014
10:36 - Васила Иноятнинг ўзбек-америка сиёсий маслаҳатлашувларида иштироки ҳақидаги хабарга оид
2 декабрдаги хабаримизда сенсация деса бўладиган воқеа юз бергани, Тошкентда ўтказилган навбатдаги ўзбек-америка сиёсий маслаҳатлашувларига тарихда биринчи марта фуқаролик жамияти вакиллари, жумладан, “Эзгулик” жамияти раиси, “Бирлик” Партияси Бош котиби Васила Иноят таклиф қилингани ва унга сўз берилганини билдирган эдик. Маслаҳатлашув учрашувида Ўзбекистон делегациясига Олий Мажлиси Сенати қўмита раиси, собиқ Ташқи ишлар вазири Содиқ Сафоев, АҚШ делегациясига эса, Давлат Котибининг ёрдамчиси Ниша Десаи Бисвал раҳбарлик қилган эди.

Бу тарихий воқеага доир Ўзбекистонда ҳеч қандай расм тарқатилмади. Мухбирларимиз Васила Иноятнинг нутқ сўзлаш пайтидаги расмини топишга муваффақ бўлдилар. Аммо, бу расмда ҳам бўлаётган учрашувнинг умумий кўриниши йўқ.

Бу учрашувга фуқаролик жамияти вакиллари икки тарафниннг розилиги билан таклиф қилинган бўлса ҳам, кўринишидан, бу муҳим воқеага жамоатчиликнинг эътиборини ортиқча тортмааслик ҳақида ҳам келишилган.
« Олдинги хабар Хабарлар рўйхати Кейинги хабар »