28 November 2014
20:14 - Ўзбек мардикорлари орсида ОИТС/СПИДга чалинганлар сони кескин ошмоқда
Кеча Тошкентда чоп қилинадиган “Оила даврасида” газетаси ўзбекистонлик меҳнат муҳожирлари орасида ОИТС (одам иммунитет танқислиги синдроми) касалига чалинаётганлар кўрсаткичи ошиб бораётгани хусусидаги мақолани чоп қилди. Республика ОИТСга қарши кураш маркази раҳбари Нурмат Отабековга газетага шу йилнинг 10 ойида мигрантлар орасида тузалмас дардни юқтирганлар 531 тани ташкил этгани, бу расмий статистика экани ва ҳали қанчадан-қанча аниқланмаган беморлар борлигини эътироф этган.

Марказ раҳбари Отабеков мамлакатда мазкур касалга чалинганларга йилига 1000 доллар миқдорида дори берилаётганини айтиб, ҳукуматни улуғлабди. Аслида Ўзбекистондаги қашшоқ ҳаёт ва ғариб иқтисодиёт туфайли ўзга юртларга нон излаб кетаётганлар тақдири учун ҳукуматнинг жавобгар эканини тилга олмабди.

Бу каби фактларни ўргангач, “Бирлик” қанчалик олдинни кўра биладиган сиёсий куч эканлигини тушунамиз, дейди мухбиримиз. Айнан шу ташкилот Россияга бориб ишлашга мажбур бўладиганларнинг муаммоси билан ҳукумат шуғулланиши кераклиги ҳақида 1995 йилдан бери гапириб келмоқда.
« Олдинги хабар Хабарлар рўйхати Кейинги хабар »