25 November 2014
13:41 - Ўзбекистон ва Қозоғистон президентларининг учрашуви бўлмоқда, Ислом Каримнинг кайфияти дабдала
Казинформ агентлигининг ҳозиргина тарқатган хабарида Нурсултон Назарбой ва Ислом Каримнинг тор доирадаги учрашуви бўлаётгани айтилади. Умумий гаплардан иборат хабарлардан маълум бўлишича, икки президент уларнинг 2013 йилда Тошкентдаги учрашуви пайтидаги шартномалар қандай бажарилаётгани, икки тарафлама алоқалар қандай ривожланаётгани ҳамда минтақавий хавфсизлик ва халқаро масалаларни муҳокама қилишган.

Нурсултон Назарбой икки мамлакатнинг тарихий ва маданий яқинлигини гапирса, Ислом Карим икки мамлакат ўртасида имзоланган стратегик ҳамкорлик шартномасининг муҳимлик даражаси янада ошганини урғулабди, Афғонистондан НАТО кучлари чиқиб кетаётганидан хавотирда эканлигини гапирибди.

Яъни, хабарларда қуруқ гаплардан бошқа нарса йўқ. Аммо, хабарга қўйилган расмдан кўриниб турибдики, Ислом Каримнинг кайфияти дабдала. Аслини олганда, бошқача бўлиши ҳам мумкин эмас. Ўзбекистон президенти иқтисодининг кучи бўйича биздан 8 баарвар юқорида турган давлатнинг раҳбари билан кўришмоқда. Нурсултон Назарбой жаҳон танийдиган лидерга, Остана халқаро сиёсий марказлардан бирига айланиб борар экан, Ислом Карим оддий яккамохов, инидан ҳам чиқмайдиган қашшоқ президент даражасига аллақачон тушиб бўлди, ўзбеклар қозоқларнинг мардикорларига айланмоқда. Нурсултон Назарбой Ислом Карим билан учрашишга рози бўлганининг ўзи катта бахт.

Миллат сифатини ҳам йўқотиб бўлган ўзбекларнинг эса ҳеч нарса билан иши йўқ.
« Олдинги хабар Хабарлар рўйхати Кейинги хабар »