26 октябрда 450 ўринли Олий Рададаги 225 депутат кўп мандатли округларда партиялар кўрсатган номзодлардан, яна 225 депутат мажоритар система бўйича бир мандатли округлардан сайланганди. Сайловларда 29 сиёсий партия ва тахминан 3,5 минг мажоритарчи иштирок этди. Мажоритарчиларнинг ҳам кўпчилиги ўша партияларнинг вакиллари эди.

Фақат 7 партия 5 фоизли тўсиқдан ўтгани аллақачон эълон қилинган бўлса ҳам, мажортар окуругларда узул-кесил натижалар кеча маълум бўлган.

Бугун умумий натижалар эълон қилинди. Уларга кўра, турли партияларнинг Олий Рададаги дупутатлари сони қуйидагича тақсимланибди:

Петра Порошенконинг блоки - 132

Халқ Фронти - 82

Ўз-ўзига ёрдам ташкилоти - 33

Мухолифатчи блок - 29

Олег Ляшконинг Радикаль Партияси - 22

"Батькившчина" бирлашмаси - 19

"Свобода" бирлашмаси – 6,

Булардан ташқари яна 4 та партиянинг биттадан вакили Олий Радага кирган. 94 киши мажоритар округлардан мустақил депутат бўлиб сайланган.

4 та округда ҳалигача иш битмади. Овозлар қайтадан сайланмоқда.

Кўриниб турибдики, биронта партия кўпчилик овозга эга эмас. Ҳозир Петра Порошенконинг блоки атрофида коалиция яратиш бўйича партиялараро музокаралар олиб борилмоқда. Мустақилларнинг баъзилари ҳам қайсидир партияларга ёки тўғридан-тўғри коалицияга қўшилиши мумкин.