Буюкбритания Бош вазири Дэвид Кэмерон 2015 йилдаги парламент сайловларида ўз партияси ғолиб чиқса, Европа Иттифоқидан чиқиш учун рефрендум ўтказиш ниятини анчадан бери гапириб келмоқда. У ўз мамлакати фуқаролари ичида чет эллик мигрантларнинг кўпайишидан норозилик ортиб бораётгани учун шундай қилиши шарт эканлигини ҳам гапирмоқда. У чет эллик мигранталарнинг Буюкбританияга келишига очиқча қарши чиқаётган Мустақиллик Партиясининг обрўси ошиб кетаётганидан хавотир бўлиб, шундай қадамлар қилаётганини ҳам айтмоқда.

Германия Канцлери Ангела Маркел бу масалада Дэвид Кэмероннинг тарафида эмаслигини Sunday Times газетасига асосланиб Reuters агентлиги хабар қилди. Германия Европа Иттифоқи доирасида эркин ҳаракат қилиш каби фундаментал принципларни ўзгартириш тарафдори эмас, дебди у газета мухбирига ва, айни замонда, бу масалани Буюкбритания Бош вазири билан муҳокама қилишга тайёр эканлигини урғулабди.

Буюбританияда ўтказилган сўровномаларга кўра, агар Мустақиллик Партияси шу позициясида турса, унга сайловчиларнинг 1/3 қисми овоз беради. Дэвид Кэмерон миграцияни чеклаш ҳақида гапиришга бошлагач, унинг раҳбарлигидаги Консерватив Партия ўзидан 5 фоиз олдинда бўлган Лейцбористлар Партиясига етиб олибди. Энди бу икки партияга овоз бериш ниятидагиларнинг сони 33 фоиздан, Мустақиллик Партиясига эса 18 фоиз сайловчи овоз бермоқчи.

Сайловлар кейинги йил бўлади. Демак,сайлов олди кампанияси давомида партияларнинг тактикасига қараб, уларга овоз берувчиларинг сони ўзгариши муқаррар.

Шудай экан, дейди мухбиримиз, миграцияни чеклаш Консерватив Партиянинг стратегик мақсади эмас, сайлов олди кампаниясидаги тактик қадамдир. Шуни ҳам унутмаслик керакки, ЕИда миграция масаласида Кэмерон айтаётган ўзгаришлар қилиниши ёки аксинча Буюбританиянинг ЕИдан чиқиши – дунё миқёсида катта ўзгаришларга йўл очиб, глобал барқарорликка зарба бўлиши муқаррар.