08 October 2014
01:25 - АҚШ фондлар биржаси ваҳимага эмас, талвасага тушди
Нью-Йорк фондлар бозорининг асосий кўрсатгичи бўлмиш Dow Jones индекси АҚШга Эбола вируси етиб келганидан ваҳима тушиб, 1 октябрда 238 поғанага пасайганини ўшанда хабар қилган эдик.

Кеча Нью-Йорк фондлар бозори ваҳимага эмас, талвасага тушди. Dow Jones индекси 272 поғанага, яъни 1,60% га тушиб кетди, у энди 16719 га тенг.

Биржа экспертларига кўра, бунинг иккита сабаби бор.

Биринчиси – Халқаро Валютв Фонди глобал иқтисодий ўсиш даражасининг прогнозини бу йил учинчи марта туширибди.

Иккинчиси – Германияда саноий ишлаб чиқариш август ойида 4 фоизга тушиб кетгани кеча эълон қилинибди. Бундай тушиш 5,5 ярим йилдан бери биринчи марта бўлиши экан.

Нью-Йорк фондлар биржасини бир неча йилдан бери кузатиб бораётган “Ҳаракат” агентлигининг тажрибасига асосланиб айтиш мумкинки, Dow Jones индекси тенденцияларни тўғри баҳолаб, бир неча кун ичида ўзини тиклаб олади. Аммо, нима бўлганда ҳам, унинг сезгирлигига, ҳатто АҚШ ташқарисада бўлаётган жараёнларга сезгирлигига қойил қолиш керак.
« Олдинги хабар Хабарлар рўйхати Кейинги хабар »