Бугун маҳаллий матбуотда тарқатилган хабарларга кўра, Тошкентдаги International Hotel Tashkent меҳмонхонаси келаси йилнинг июлидан АҚШнинг Hilton халқаро тармоғи ихтиёрига ўтади. Ўзбекистон ҳукумати билан бу борада музокара қилаётган дунёдаги энг йирик отел тармоқлари тизими мулозимлари ҳатто меҳмонхонада таъмир ишларини бошлаб юборишган. 2012 йилгача Intercontinental номи билан фаолият юритган меҳмонхона пойтахтдаги беш юлдузли ягона отелдир.

Шунингдек, АҚШнинг яна бир меҳмонхона тармоғи Hyatt ширкатига қарашли меҳмонхонанинг пойтахтда 2015 йилда очилиши маълум қилинмоқда. Янги Hyatt меҳмонхонаси қурилишига сармоядорлар 113 миллион АҚШ доллари инвестиция ётқизишган. Мазкур меҳмонхонанинг қурилиши бошлангани ҳақида “Ҳаракат” агентлиги 2012 йилнинг 30 ноябрдаги янгиликларида маълум қилган.