27 September 2014
13:19 - Абдулазиз Комил БМТнинг Бош Ассамблеясида бир тийинга қиммат нутқ сўзлади
Нутқнинг матни фақат рус тилида Ташқи ишлар вазирлигинг “Жаҳон” ахборот агентлиги сайтида бугун эрталаб (Нью-Йоркда ярим кечаси) эълон қилинганидан тушуниш мумкинки, нутқ кеча сўзланган.

Абдулазиз Комил ўз нутқини 4 қисимга бўлибди.

Биринчи. Минтақавий ва халқаро хавфсизлик, кескинлашаётган жанжаллар ва урушлар, катта “куч марказлари” ўртасида геополитик қарама-қаршиликнинг кучайиши ва шунга ўхшаш муаммолар. Ҳаммо муаммолаларни, хусусан, Афғонистондагисини ҳам, фақат тинч йўллар билан ечиш мумкин эмиш, холос.

Иккинчи. Жаҳонда молиявий-иқтисодий кризис давоб этаётган пайтда Марказий Осиёнинг барқарорлиги ва ривожланиши учун транспорт-коммуникацияни ривожлантирили ва иқтисодий ҳамкорлик мустаҳкамаланиши кераклиги.

Учинчи. Марказий Осиёда сув танқислиги ортиб бораётгани.

Тўртинчи. Ўзбекистон БМТнинг “Минг йиллик ривожланиш мақсадлари”ни бажариш бўйича олдинда кетаётгани.

Нутқнинг 1-3 қисмлар оддий демагогия бўлиб, уларни таҳлил қилишга ҳам ҳожат йўқ. Тўртинчи қисмида эса, Ўзбекистонда Ялпи Ички Маҳсулот сўнгги 10 йилда 8 фоиздан ортиб бораётгани ва киши бошига ЯИМ 2030 йилда 9,3 минг долларга етиши катта ютуқ сифатида кўрсатилади.

Абдулазиз Комил иқтисодга оид рақамларни тилга олганда Бош Ассамблея залида ўтирганлар роса кулишган бўлса ажаб эмас. Чунки, ҳозир Ўзбекистон киши бошига ЯИМ бўйича риволанган мамлакатлардан 30-40 баравар орқада. Уларнинг қўйиб турайлик, Қозоғистондан 8 баравар орқада. Қизоғистонда киши бошига ЯИМ ҳазироқ 14 минг доллар атрофидадаир. 2030 йилгача бу рақам 50 мингларга кўтарилиши тахмин қилинмоқда. Ўзбекистон эса, 9,3 мингга чиқиш режаси билан мақтанмоқчи.

Аслини олганда, Абулазиз Комил Ўзбекистон иқтисоди ғариб аҳволдан чиқолмаслигини, ўзбеклар қозоқларга мардикорлик қиладиган миллат бўлиб қолаверишларни, Ислом Карим раҳбарлигидаги мавжуд режим бу муаммоаларни ечишни ҳатто ўйламаётганини феълан тан олди.
« Олдинги хабар Хабарлар рўйхати Кейинги хабар »