Бугун бошланган НАТО саммити доирасида ўтказилган Украина-НАТО комиссияси (расмда) Россиянинг Украинага қарши агрессив ҳаракатларини кескин қораловчи махсус декларация қабул қилди, дейилади украинларнинг УНИАН агентлиги тарқатган хабарда.

Комиссия аъзолари Россия Украинанинг мустақиллиги ва ҳудудий бутунлигини бузишни давом эттираётганини таъкидлаш билан бир қаторда, Россия ўз қўшинларини Украина жанубига олиб киргани, у ердаги қуролли гуруҳларни ҳар томонлама қўллаб-қувватлаётгани, Украина чегараси олдида минглаб кишилик қуролли кучларини тўплаб турганини урғуладилар.Уларга кўра, Россия бутун евроатлантика ҳудудларининнг барқарорлик ва хавфсизлигига таҳдид солмоқда.

Феълан НАТОнинг номидан баёнот берган бу Комиссия Россиядан Украинага Қримни қайтариб беришни ва Украинанинг жанубидаги сепаратистларни қўллаб-қувватлашни тўхтатишни, Украианага қарши бошқа агрессив ҳаракатларлар қилмасликни талаб қилади.

Бу НАТОнинг Россияга қаратилган энг жиддий баёнотидир, дейди мухбиримиз. Аммо, Путин бу баёнотга ҳам эътибор бермаса керак. Демак, ЕИ ва АҚШ Россияга қарши янги санкциялар киритадилар.