04 September 2014
21:29 - Тошкентдаги кўприкка исломий жангарилар байроғини осиб кетишди
“Озодлик” радиоси ўз тингловчилари шоҳидлигига таяниб, Тошкентдаги Юнусобод кўпригига исломий жангари ташкилотнинг байроғи осиб кетилгани ҳақида хабар қилди ва байроқнинг кўприкка осиқлик суратини чоп этди. Мазкур ҳолат Тошкент шаҳар Ички ишлар бошқармасининг Терроризм ва уюшган жиноятчиликка қарши кураш бошқармаси томонидан ўрганила бошлаганини таъкидлади. Радио манбаларига кўра¸ бу воқеа шаҳардаги ҳуқуқ-тартибот органларини оëққа турғазган.

Маълум бўлишича, байроқ 28 августга ўтар кечаси осиб кетилган ва эрта тонггача осиғлиқ турган. “Фотосуратдаги кўприк панжараси билан қиëсланганида эни тахминан бир¸ бўйи эса бир ярим метрли қора мато устига оқ рангда¸ араб алифбосида “Ла илаҳа иллаллоҳ” деб ëзилган. Бу ëзув тагидаги оқ доира ичига қора ҳарфлар билан устма-уст “Оллоҳ-Муҳаммад–Расул” сўзлари ҳам араб алифбосида ëзилган” дейилади хабарда. Бу эса Яқин Шарқда "Исломий халифалик" эълон қилган гуруҳ - ИШИД (Ироқ ва Шом Исломий Давлати) байроғи билан бир хилдир.
« Олдинги хабар Хабарлар рўйхати Кейинги хабар »