Ҳозир шу дақиқаларда Наманган шаҳрида “Бирлик” Партияси Фарғона волийси фаолларининг узоқ вақтдан бери биринчи йиғилиши бўлади. Бир неча кундан бери Вашингтондан партия раиси Абдураҳим Пўлат, Тошкентдан партия Бош котиби Васила Иноят ва наманганлик бирликчилар тайёргарчилик ишлар олиб боришаётган эди. Яъни, йиғилиш яширнча эмас, очиқча ўтказиладиган тадбир бўлиши керак. “Ҳаракат” Агентлиги шу йиғилиш ҳақида ўзбек хабарчилигининг тарихида биринчи марта онлайн-репортаж олиб бормоқчи.

Соат 13:50 – Вашингтондан Наманганга телефон қилган “Бирлик” лидери Абдураҳим Пўлат “Ҳаракат” мухбири Абдураҳмон Ташанов билан гаплашди. У ҳозиргина йиғилиш ўтказиладиган отель олдига келганини, бу ерда бир неча “Бирлик” фаоли борлигини айтди. Балки, аввалроқ келганлар ичкарида, мажлис ўтказиладиган залда бўлиши мумкин. Абдураҳим Пўлат йиғилиш қатнашчиларига 2 варақлик мурожаат ёзиб, аввалдан юборган эди. Ҳозир унинг матнини келганларга тарқатиш бошланди.

14:23 – Аввалги хабаримиздан кейин мажлис ўтказиладиган жойдаги мобиль телефонлар жавоб бермай қўйди. Оператор аёл ўзбек, рус ва инглиз тилларида “Бу телефонга ҳозир боғланиб бўлмайди, кейинроқ телефон қилинг” деб жавоб бермоқда. Хабарларимизни кузатиб боринг.

15:32 – Бир соатдан ортиқ вақт ўтди. Наманганга мажлисга келган биронта одам билан боғланиб бўлмаяпти. Текст меммижларга ҳам жавоб йўқ. Бошқа вилоятдаги бирликчилар воситасида ҳам Наманган билан боғланиб бўлмаяпти. Табиий, бу тасодиф бўлиши мумкин эмас.

16:14 – Ниҳоят Наманган билан алоқа қилиб, “Бирлик” Партияси Бош котиби Васила Иноят ва “Ҳаракат” мухбири Абдураҳмон Ташанов билан қисқача гаплашолдик. Маълум бўлишича, мажлис ўтказиш учн Наманган отелининг мажлислар зали кирага олинган ва пули тўланган экан. Аммо, бугун эрталаб меҳмонхона расмийлари МХХга имо ишора қилиб, келишувни бузганлар, пулни ҳам қайтариб бериб, бу ерда йиғилиш бўлмаслигини айтганлар.

“Бирлик” фаоллари ўта оператив шаклда яқиндаги бир кафенинг залини кирага олиб, бу ерда зиёфат маросими ўтказишга келишишган. Соат тахминан 14 яримларда Фарғона водийсининг уч вилоятидан келган 30 дан ортиқ “Бирлик” фаоли мажлис/зиёфат бошлади. Аммо, 35-40 минутлардан кейин бу ерга ўнлаб милиция ва МХХ ходимлари бостириб кириб, ҳаммани бу ердан ҳайдаб чиқаришди. Залда электрлар кесилди. Пули тўланган овқатларни ҳам ейишга имкон берилмади.

“Бирлик” фаоллари ташқарида яна ярим соатча мажлис каби суҳбатни давом эттирдилар. Кун тартибида белгиланган ҳамма масалар кўриб чиқилди ва тегишли қарорлар қабул қилинди.

Булар ҳақида мухбирларимиз тафсилотли хабар тайёрлашади, хабар “Ҳаракат” Агентлигининг сайтида, яъни сайтимизда эълон қилинади, расмлар қўйилади.

Нима бўлганда ҳам, Ўзбекистондаги каби шароитда 30 дан ортиқ “Бирлик” фаолининг мажлис ўтказолгани жуда катта воқеадир. Бу нарса яна бир марта кўрсатмоқдаки, демократик мухолифат етарлича самарали фаолият олиб бориши учун имкониятлар бор. Аммо, ўзбек зиёлилари жим, уларнинг на халқ на давлат тақдири билан иши йўқ. Ўзбекистонда ўртача ойлик, қозоқлардан 8-10 баравар кам ҳолга тушгани билан ҳам, ўзбек профессорлари қозоқ дворникларидан кам ойлик олиши билан ҳам.

“Бирлик” Партияси ўзбек миллати ва Ўзбекистон давлатининг касаллигига диагноз қўйди. Уларни даволаш ва тузатишни ҳам “Бирлик”, фақат “Бирлик” қилолади. Ўзбек халқи ҳозирги аянчли аҳволдан чиқишни истаса “Бирлик” Партияси атрофида бирлашишдан бошқа йўли йўқ.