Маълумки, Ғарб билан Россия ўртасидаги бу асрнинг энг катта таранглик даври 2008 йили бўлган Гуржистон-Россия уруши даврида бўлганди. Ўшанда Ғарб қаттиқ туриб, Гуржистонни ҳимоя қилмаганда эди, Путин бу мамлакатни бир неча кун ичида босиб олган бўларди.

Ўша воқеалар бўйича “Ҳаракат” журналининг 73 сонида эълон қилинган “Бирлик” Партияси лидери Абдураҳим Пўлатнинг “Кавказда уруш: Кенигсберг-Курил муаммолари ва Россия- Гуржистон уруши” номли мақоласида, жумладан, шундай деган эди:

“Бугун гуржилар ахир бир кун Кенигсберг ва Курилга даво қиладиганлар ва Россиядан мустақил бўлишни орзу қилаётган халқларга қарши қаратилган тўқмоқнинг илк зарбаларини олмоқдалар холос. Шунинг учун, аслида, гуржиларни биринчи навбатда ўшалар дастаклаши керак. Россия ичидаги миллатлар қўрқув остида овоз чиқараролмаётганларини тушуниш мумкин, аммо бу масалада Германия ва Япония етарлича жонбозлик кўрсатмаётганини тушуниб бўлмайди.”

Мана энди Россиянинг Украинага қилаётган тажовузларига ыаршилик кщрсатиш масаласида Германия ва Япония катта жонбозлик кўрсатмоқдалар. Гкрмания НАТО ва ЕИ аъзоси сифатида истамаса ҳам санкцияларга қўшилиши муқаррар эди, аммо Япония бу сафар Абдураҳим Пўлатга қулоқ солаётгани мақтовга сазовордир.

Япония апрель ойидаёқ Россиянинг 23 мулозимига ўз ҳудудларига киришни тақиқласа ҳам, уларнинг рўйхатини эълон қилмаган эди. Бугун Япония янги санкциялар киритди. Бу санкциялар 40 жисмоний шахс ва Қримдаги 2 та комапанияни яхшилаб уради. Табиий, бундан кейин Япония-Россия алоқалари яна ҳам ёмонлашади. Аммо, японлар алоқаларни яхшилаш йўли билан Курил оролларини қайтариб ололмасликларини тушуниб етганлари муҳимдир.

Қизиққанлар Абдураҳим Пўлатнинг “Кавказда уруш: Кенигсберг-Курил муаммолари ва Россия- Гуржистон уруши” номли мақоласи билан қуйидаги линк орқали танишишлари мумкин:

http://harakat.net/harakat/?id=826