05 August 2014
01:42 - Машҳур украиналик ашулачининг Украинадаги концертини руспарастлиги учун буздилар, ўзбеклар ҳам бу каби йўлларга ўтадиган кун келади
Ўтган куни кечқурун машҳур украиналик ашулачи Ани Лорак Одессадаги “Ибица” клубида концерт бераётган пайтида 200 га яқин украиналик миллатсеварлар маскалар кийиб олган ва таёқлар билан қуролланган ҳолда клубга бостириб кирдилар ва Ани Лоракни концертни бузиб қочиб кетишга мажбур қилдилар. Сабаб сифатида, бир неча ой аввал руслар Қримни босиб олаётган пайтда Ани Лорак Россияга қандайдир тадбирда қатнашишиш учун борганлиги айтилмоқда.

Бу воқеага Россиянинг тўғридан-тўғри аралашиши билан Қримдаги руслар ёлғондакам референдум ўтказиб, Россияга қўшилиш қарори олганлари, Россия бунга асосланиб, Қримни босиб олгани, ҳозир Луганск ва Донецк вилоятларида Қримдагига ўхшаш сценарий асосида ўйин олиб борилаётгани, бу ўйин аллақачон қонли урушга айланиб кетганлигига кўз юмиб қаралса, уни хулиганлик ва қонун бузарчилик сифатида кўриш мумкин. Аммо, санаб ўтилган фактларга эътибор берсак, Ани Лоракнинг ўз миллатига ҳурматсизлик кўрсатгани, унинг юзига оёқ босганини тан олишга мажбур бўламиз.

Украиналик миллатсевар ва ватансеварлар Ани Лоракнинг концертини бузиб тўғри қилганлар. Кеча Украина ички ишлар вазирлиги ўша куни концертни бузганларга қарши куч ишлатгани исботланган 5 милиционерни ишдан бўшатди.

Ўзбекистонда сал кам ҳамма ижодкорлар, жумладан қўшиқчилар, 2010 йил июнь ойида қирғиз фашистлари Ўзбекни тирклайин ёққанда, 3 кунда 300 Ўзбекни ваҳшийларча ўлдирганда ҳеч қандай норозиик билдирмадилар, ўша қирғин кунлариҳам концерт бериш билан банд бўлдилар.

Миллат сифатини йўқотган Ўзбекистон ўзбеклари ҳам жим ўтириш билан бир қаторда, ўша концерларда ўтирганлари ҳам маълум фактдир. Вақти келади, миллатнинг кўзи очилади, ўзбекларда миллий туйғу қайтадан шаклланади. Ана ўшанда миллатсевар, миллатпарварларнинг қаҳр-ғазаби нафақат мавжуд режимга, айни замонда, вазифаси ўз миллатига хизмат қилиш бўлган, аммо ўз вазифасини унутган ижодкорлар, жумладан ашулачиларга ҳам қарши қаратилади.

Ашулачиларимиз шундай кунлар келиши муқаррар эканлигини билишлари лозим. Фақат ашулачиларгини эмас, ҳамма билиши керак.

Дарвоқе, концерти бузилган Ани Лорак энди ватани ва миллатини севишини гапириш билан овора. Уни энди ашула айтмайдиган, фақат шу гапларни қайтрадиган қилиб қўйилса, ёмон бўлмайди, ҳаммага ўрнак бўлади. Ана ўшанда миллатнинг пули ҳисобига яшайдиган ижодкорлар - миллат борлигини, ўзлари шу ҳам миллат фарзанди эканликларини, миллатнинг ғам-ташвишлари билан яшаш кераклигини ҳеч қачон эсдан чиқармайдиган бўлиб қоладилар.
« Олдинги хабар Хабарлар рўйхати Кейинги хабар »