04 August 2014
21:47 - АҚШ Меҳнат вазирлиги мулозимлари Ўзбекистонга келиб-кетибди
Бу ҳақда бугун «Новый Век» газетасида чоп қилинган мақола орқали хабар топдик. Ўтган ҳафтада Тошкентга келган вазирлик мулозимлари Ўзбекистонда болалар меҳнати тугатилганини олқишлабди. Ҳар ҳолда АҚШ элчилигига суяниб хабар берган нашр ана шу эътироф учунгина махсус чиқиш уюштирган бўлса керак. Аслида эса АҚШ Меҳнат вазирлиги мулозимлари БМТнинг Халқаро Меҳнат Ташкилоти (ХМТ) нозирлари томонидан ўтган йили Ўзбекистонга уюштирилган ташриф ва унинг ортидан чиққан зиддиятли фикрларни ўрганиш учун келган бўлса керак. Бу ерда ХМТ нозирларининг мамлакатда болалар меҳнати бутунлай тугатилгани ҳақидаги эътирофлари ҳақида сўз бормоқда.

АҚШнинг Меҳнат вазирлиги мулозимлари илк ташриф давомида яхши таассуротлар билан қайтишганини эътироф этишган эмиш. Улар болалар оммавий ҳашарларга жалб қилиниши мумкин бўлган куз ойларида яна келишни режалаштиришибди. Ўшанда ҳуқуқ ҳимоячилари билан учрашиш ҳам режалаштирмоқда, дейди ўз манбаларига асосланиб хабар берган мухбиримиз.
« Олдинги хабар Хабарлар рўйхати Кейинги хабар »