01 August 2014
21:09 - Ўзбекистонда ур-тўполон: тест синовлари ўтди
Бугун Ўзбекистонда олий ўқув юртларига кириш учун тест синовлари ўтказилди. Абитурентлардан тест имтиҳонлари олиш ишига Ўзбекистон Олий ва ўрта махсус таълим вазирлиги, Халқ таълими вазирлиги, МХХ, ИИВ, Йўл ҳаракати хавфсизлиги, Фавқулодда вазиятлар вазирлиги, прокуратура сингари 13 дан ортиқ идора вакиллари сафарбар қилинди. Қарийб 534 минг нафар абитурентлар тест топширган 1 август ур-тўполон бўлди ҳисоб.

Тошкент шаҳри ва вилоятлар марказларида такси хизмати нархлари икки баравар ошди, кеча ва ўтган кунлари этикдўзлар пойабзаллар ичига кичик ҳажмдаги мобил телефонлар жойлаштириш, валютафурушлар майда купюрали АҚШ долларларини сотиш орқали кучайтирилган режимда ишлади. Тест имтиҳонлари даврида “бункер”, “паравоз”, “зайчик” номли қаллоблик усуллари, “шпаргалка”, “Х-вариант” деб аталган ғирромликлардан фойдаланилди. Ҳукумат эса ўз таркибий қисмлари, шунингдек, миллат зеҳниятидаги коррупцион унсурлар билан курашган бўлди.

Ҳолбуки, марказлартирилган тест имтиҳонлари ана шу ур-тўполон асносида аллақачон жиддий ислоҳга маҳкумлиги сезилиб қолди, дейди мухбиримиз.
« Олдинги хабар Хабарлар рўйхати Кейинги хабар »