19 July 2014
12:21 - Украина осмонида уриб туширилган учоқда ҳалок бўлганларнинг фуқаролиги тўла аниқланибди
Malaysia Airlines авиакомпанияси Украинанинг шарқидаги Донбассда уриб туширилган Boeing-777 учоғида ҳалок бўлганларнинг қайси давлат фуқаролари эканлигини аниқлади. Авиакомпания сайтининг http://www.malaysiaairlines.com/my/en/site/mh17.html саҳифасида қуйидаги рўйхат келтирилган.

Учоқда 192 голландиялик, 44 малайзиялик, 27 австралиялик, 12 индонезиялик, 10 буюкбританиялик, 4 бельгиялик, 4 германиялик, 3 филиппинлик, 1 канадалик ва 1 янгизелландиялик одам бўлган.

Голладияликларнинг бири АҚШ фуқароси ҳам экан. Буюкбританияликларнинг бирида эса, Жанубий Африка Республикасининг фуқаролиги бор бўлган. 44 малайзияликнинг 15 нафари учоқ экипажи, қолганлар – йўловчилар. Учоқда ҳаммаси бўлиб 3 бола бўлганлиги айтилади, аммо уларнинг ёши кўрсатилмайди.

Малайзия ҳукумати ўз учоғининг ким тарафидан уриб туширилгани ҳақидаги тахминларини гапиришни истамаётганини, теширувларнинг аниқ натижалари кутилаётганини эълон қилиш билан бир қаторда, текширувларда иштирок этиш учун Украинага 2 та ҳарбий-транспорт учоғи юборганини билдирди.
« Олдинги хабар Хабарлар рўйхати Кейинги хабар »