05 July 2014
21:18 - Космонавт Солижон Шариф Шимолий қутбга Ўзбекистон байроғини тикибди
2010 йилда ўзбекларнинг қирғиз фашистлари томонидан тириклайин ёқилганини бефарқ томоша қилиб турган ўшлик космонавт, ўз вақтида Ўзбекистон президенти томонидан “Амир Темур” ва "Буюк хизматлари учун" орденлари билан ҳам сийланган, ҳалигача исми-шарифидан русларнинг “-ов” қўшимчасини олиб ташлашга қодир бўлмаган Солижон Шарипов Шимолий қутбга мамлакатимиз байроғини тикибди. Бу ҳақда хабар бераётган қатор оммавий ахборот воситалари бу иш космонавтнинг ўз ташаббуси билан амалга оширилганига урғу беришмоқда.

Таъкидлаш керак, дейди мухбиримиз, Санъат Шарипов исмли ўзбекистонлик журналист ҳам бир муддат аввал Жанубий қутбга Ўзбекистон байроғини тиккан ва айрим оммавий ахборот воситаларида бу ҳақда хабар берилганди.

Ҳозирги замонда қутбга саёҳат қилиш ва у ерга байроқ қадаш тилга олишга ҳам арзимайдиган бир нарса эканини кўпчилик тушунса керак. Шу боисдан ҳам космонавт Солижон Шариповнинг қутбга боргани-ю, у ерда Ўзбекистон байроғини қолдиргани эрта-индин унутиладиган воқеа, аммо унинг қирғизлар Ўзбекни қирғин қилганда қисиб ўтиргани ва феълан ўзбек миллатига сотқинлик қилгани ҳеч қачон унутилмайди.

Соливой қутбга бориш ўринга Қирғизистондаги фашистик ҳукумат ўзбекнинг буюк фарзанди Васила Иноятни Бишкекга киритмасдан, депортация қилганига муносабат билдириши керак эди.

Унда миллий туйғу ва ғурур йўқ эканми, миллатни унутдими, тушуниш керакки, "ўз вақтида космосга каламуш ва маймунларни ҳам юбориш мода бўлганди, ўшалар қаторига Солижон Шарипов ҳам қўшилиб қолмадимикан" деган савол туғилиши мантиқлидир.

Расмда - Соливой ва қирғиз фашистлари билан бир қаторда туришга афзаллик бераётган Қирғизистон президенти Алмазбек Атамбаев.
« Олдинги хабар Хабарлар рўйхати Кейинги хабар »