30 May 2014
23:03 - Хабарчиликда масхарабозлик: Ўзбекистон чегарачилари бир ўзбекни 500 кг, иккинчи-учинчисини 100 кг сабзавот-кўкатлар билан қўлга туширишибди
Ўзини Ахборот Агентлиги деб танитадиган Uzreport.uz cайти хабар қилишича, Ўзбекистоннинг қаҳрамон чегарачилари ноқонуний йўл билан чет элга юк олиб кетаётган анча-мунча одамни қўлга тушириб, ўзи шундоқ ҳам оғир иқтисодий аҳволда ўтирган халқимиз учун катта фойдали иш қилишибди.

Масалан, бир ўзбекни (исми айтилмайди) “Мерседес-Бенц” автомобилида қўшни мамлакатга (оти айтилмайди) 500 килограм қишлоқ хўжалик маҳсулотлари олиб чиқиб кетаётганда ушлашибди. Қаранг, ахир у ўзбек ўз юкини қўшни мамлактда каттароқ пулга сотиб келса, чўкаётган иқтисодимиз учун озгина бўлса ҳам фойда бўлардику.

О.Ташболтаев ва М. Одилханов исмли икки ўзбекни эса, 100 килограм (!!!) лимон ва бошқа кўкатларни Россияга олиб чиқиб кетишаётганда ушлашибди. Нима қилибди, ахир ҳар бир ўзбек 50 кг нарсани ўша ердаги дўст-танишларига совға ҳам қилиши мумкин-ку.

Бошқа тарафдан, иштонсиз давлатдан номигагина маош оладиган чегарчиларимизни ҳам тушуниш мумкин. Улар 100 кг лимон ва кўкатларни чуқурга ташлашармиди, уйларига олиб кетишади-да.
« Олдинги хабар Хабарлар рўйхати Кейинги хабар »