29 May 2014
02:42 - Қизиқ хабар: Исроил Ташқи ишлар вазири Ўзбекистон делегациясини қабул қилди
Табиий, дунёдаги муҳим жараёнларнинг боришида етакчи роль ўйнайдиган давлатларидан бири бўлган Исролнинг Ташқи ишлар вазири Авигдор Либерман кеча Ўзбекистон делегациясини қабул қилгани ўта муҳим воқеадир. Аммо, бизда бу хусусда тарқатилган хабарларда Ўзбекистон делегациясининг раҳбари ким эканлиги, делегацияда кимлар борлиги ҳам айтилмагани учрашувнинг қийматини бир тийин қилади, холос. Ёки бу учрашувда ўта сир тутиладиган мавзулар тилга олиндими?

Ўзбекистон Ташқи ишлар вазирлигининг сайтида Авигдор Либерман билан учрашувда икки тарфлама кун тартибининг актуал масалалари муҳокама қилингани ва қатор халқаро муаммолар бўйича фикр алмашилгани айтиб ўтилади, холос.

26-28 май кунлари Ўзбекистон делегацияси Кенессет спикери Юлий Эдельштейн, Кнессетнинг номи айтилмаган Комитетининг раиси Зеэв Элкин ва Туризм вазири Узи Ландау билан ҳам учрашибди.
« Олдинги хабар Хабарлар рўйхати Кейинги хабар »