27 May 2014
22:22 - Самарқандда кичик бир амалдор пора олаётганда қўлга тушди, порахўрликка қарши курашнинг самарали йўли демократиядир
Ўзбекистон Республикаси Бош прокуратурасининг “Ҳуқуқ” нашри «Самарқандшаҳаргаз» филиалининг «Боғишамол» ҳудудий фойдаланиш бўлими бошлиғи Ибрагим Амиров ўз ходимларидан ишда қолдириш эвазига ҳар бир кишидан 50 АҚШ доллари миқдорида пул талаб қилгани учун озодликдан маҳрум этилган. Газетанинг ёзишича, бошлиқнинг тамагирлигига чидай олмаган ходимлар ҳуқуқни муҳофаза қилувчи органларга арз қилган. Мазкур ҳолат юзасидан жиноят иши қўзғатилгач, Ибрагим Амиров қилмишидан пушаймон бўлиб, айбини тан олган.

Суд ҳукми билан Амиров икки йил муддатга масъул мансабдорлик ва моддий жавобгарлик лавозимларида ишлаш ҳуқуқидан ва уч йилу олти ой муддатга озодликдан маҳрум қилинган.

Ўзбекистон порахўрлик ва корупция ботқоғига ботгани ҳаммага маълум. Порахўрларни қамашга бошланса, қамоқхоналаримиз етишмайди, аммо порахўрлик камаймайди. Чунки, порахўрлик ва коррупциянинг билан курашишнинг ягона самарали йўли – жамиятни демократиялаштиришдир.

Буни Ислом Карим тушунмагунча, Ўзбекистонда ҳеч нарса ўзгармайди.