Украина ахборот воситаларининг сўнгги хабарларига кўра, сайлов протоколларининг сал кам 95 фоизи ҳисобга олинган, Петр Порошенко 54,45 фоиз, Юлия Тимошенко 12,88 фоиз овоз олган. Энди ҳеч шубҳа йўқ, Петр Порошенко президент бўлади.

Аммо, ҳозир ҳамманинг диққат-этибори Донецк вилоятига қаратилган. Бу ерда ҳақиқий уруш деса бўладиган анттитеррор операцияси олиб борилмоқда. Сепаратист-террористлардан 30 тадан 130 тагача одам ўлгани тахмин қилинмоқда. Касалхоналарнинг морглари, расмда кўринаётгани каби,
ўликлар билан тўла.

Россия билан чегарадош Донецк ва Луганск вилоятларига яхши қуролланган юзлаб террористлар қаердан келиб қолди? Ҳозир ҳамма тушунадики, улар Россия тарафидан тайёрланган ва бошқарилаётган террористлардир. Масалан, Донецк касалхоналаридан бирига келтирилган 30 та ярадорнинг энг камида саккизтаси россиялик эканлиги, уларнинг ичидаЧеченистоннинг хўжайини, Путиннинг малайи Рамазон Қодировнинг жангарилари ҳам борлиги айтилмоқда.

Украинанинг расмий кучлари ракеталар билан Россия чегарасидан бр-йўғи 400 метр узоқда бўлган террористларнинг ўқув лагерини ер билан яксон қилишгани, Донецк аэропортини босиб олган террористларни аниқ урадиган қуроллар билан йўқ қилишга тайёрланаётганлари ҳам расмий хабарларда айтилмоқда. Тахмин қилиш мумкинки, ракеталар ва аниқ урувчи қуроларни Украинага Ғарб бермоқда.

Ҳеч шубҳасиз, агар Россия, тўғрироғи, Путин истаса, фақат бу икки вилоятни эмас, бутун Украинани босиб ололади. Аммо, кўринишидан, Путиннинг ҳам боши қотган. ҲозирУкраина устидан ғалаба қозонса ҳам, келажакда Ғарб олдида мағлубиятга учраши аниқ эканлигини бу КГБчи тушунмоқда.

Унинг ҳеч бўлмаса шунга ақли етаётганига “Офарин!” дейиш керакмасми?