14 May 2014
17:47 - Ислом Карим Хитойга боради, бу ҳақда хабар Пекиндан келди
Бугун Хитой Ташқи ишлар вазири ўринбсари Чэн Гопин Россия ва Марказий Осиёлик журналистлар билан учрашувда шу йилнинг 20-21 май кунлари Пекинда номини ўзбекчасига “Осиёда Ўзаро Алоқалар ва Ишонч Меъёрлари” ёки қисқароқ қилиб “Осиёда Ҳамкорлик ва Ишонч” (русчаси - Совещания по взаимодействию и мерам доверия в Азии - СВМДА) деб атаса бўладиган ташкилотининг тўртинчи саммити ўтиши ва унда Ўзбекистон Президенти Ислом Каримнинг ҳам иштирок этишини билдирди. Унинг таъкидича, 40 мамлакатнинг президентлари ҳамда БМТ Бош котиби иштирок этадиган саммитда Осиёда хавфсизлик ва ҳамкорлик масалалари кўрилади.

Маълумотларга кўра, саммит баҳонасида Ислом Карим Хитой Халқ Республикаси Си Цзиньпин билан ҳам учрашади. Учрашувда Ўзбек-Хитой муносабатларига оид масалаларни муҳокама қилади.

Айнан хабарнинг Хитойдан келиши ва шундоғам инидан кам чиқадиган Ислом Каримнинг бундай сафари маҳаллий матбуотда гапирилмаётгани ажабланарли, дейди мухбиримиз. “Ҳаракат” таъкидлаётганидек, мамлакатда хабарчилик масхарабозликка айландими ёки хабарчилар юртбошини саботаж қилмоқдами?!

Эслатиб ўтиш керакки, бу ташкилот Қозоғистон Президени Нурсултон Назарбойнинг 1992 йили БМТнинг Бош Ассамблеясидаги таклифи ва саъй-ҳаракатлари натижасида 2002 йилда тузилган. Нурсултон Назарбойнинг мақсади Европада Хавфсизлик ва Ҳамкорлик Ташкилоти (ЕХҲТ) каби бир нарса яратиш бўлган эди. Амалда айнан шундай бўлди дейиш мумкин. Янги ташкилот ҳудди ЕХҲТ каби тиши йўқ тизимдир.

Бу ташкилот 24 аъзога эга бўлиб, уларнинг ичида Туркманистондан бошқа ҳамма Марказий Осиё давлатлари, бир қисми Осиёда бўлган Россия ва расман Осиё қитъасига кирмайдиган Озорбайжон ва Миср бор. БМТ, ЕХҲТ ва Араб Давлатлари Лигаси кузатувчилар ҳисобланади.

Хитой Ташқи ишлари вазининг ўринбосари саммитга 40 давлатнинг президентлари келишини гапирганда, 24 аъзо ва 16 кузатувчи давлат раҳбарларини назарда тутган бўлса керак, дейди мухбиримиз.
« Олдинги хабар Хабарлар рўйхати Кейинги хабар »