12 May 2014
21:52 - Донецк ва Луганскда тўла масхарабозлик ичида Путиннинг қарорини кутишмоқда
Украинанинг жанубидаги Донецк ва Луганск вилоятларини халқ республиклари деб аллақачон эълон қилиб бўлган сепаратист/террористлар кеча масхарабозлик ўйини каби референдум ҳам ўтказиб олдилар. Кеча кечқуруноқ осмондан олинган рақамлар билан референдумда аҳолининг мутлақо кўпчилиги бу икки республиканинг мустақиллиги учун овоз бергани эълон қилинди. Ҳеч бир ваколати йўқ митингларда референдум натижалари тасдиқланди. Тўғри, тўғридан-тўғри “мустақиллик” сўзи ишлатилмади. Вилоятлардан бири “суверенитет” ҳақида гапирса, иккинчиси “самостоятельность” сўзини ишлатмоқда.

Бу икки “республикани” бирлаштирш, Россия таркибига кириш таклифлари ҳам байрамона митинг-намойишларда янграмоқда.

Ғарб давлатлари, Европа Иттифоқи, НАТО бу референдумларни тан олмасликларини, Украинанинг бутунлиги тарафдори эканлигини гапирмоқдалар.

Биз эса, дейди мухбиримиз, кечаги хабаримизда айтилган фикрни қайтариш билан чекланамиз: “Жараёнлар қандай кетиши Россия Президенти Владимир Путиннинг кайфиятига боғлиқ. У истаса, бу вилоятларни Россияга қўшиб олади, ёки ҳозрча уларнинг мустақиллигини тан олиш билан чекланади.”

Расмда - Луганскдаги митингдан бир кўриниш.
« Олдинги хабар Хабарлар рўйхати Кейинги хабар »