08 May 2014
19:32 - Ўзбекистон ҳукумати Украина масаласида Бёрнс билан нималарни гаплашди?
Ташқи ишлар вазиримиз Абдулазиз Комил ва АҚШ Давлат Котибининг биринчи ўринбосари Уилям Бёрнснинг учрашуви ҳақидаги хабарларда ўзбек-америка муносабатларинининг ҳозирги аҳволи ва уларнинг келажагини муҳокама қилишгани ҳақида умумий сўзлардан бошқа ҳеч нарса йўқлигини таҳлил қилган “Ҳаракат”нинг мухбири бу учрашувда асосан АҚШ қўшинларини бу йил Афғонистондан олиб чиқиш вақтида Ўзбекистон ҳудудларидан фойдаланиш масалалари муҳокама қилинганни тахмин қилган эди.

Аммо, бугун ҳукуматнинг тожиклар қўлидаги қўғирчоқ сайти 12news.uz АҚШ Давлат Котибининг биринчи ўринбосари Уилям Бёрнс Ташқи ишлар вазиримиз Абдулазиз Комил билан, Афғонистон масаласидан ташқари, Украинадаги вазиятни муҳокама қилгани, АҚШ томони Украина бўйича конструктив баёнотлари учун Ўзбекистон ҳукуматига чуқур миннатдорчилик билдиргани ҳақида хабар тарқатди.

Маълумки, Ўзбекистон Украинадаги воқеалар бўйича умумий гаплардан бошқа ҳеч қандай баёнот берган эмас. Ислом Карим Лубянканинг одами эканлигини ҳисобга олсак, Ўзбекистон Россияга ёқмайдиган ҳеч қандай қадам қилолмайди, баёнеот ҳам беролмайди. Демак, қўғирчоқ сайтлар АҚШ мулозими Россия-Ўзбекистон, АҚШ-Россия муносабатларини қадрлаши билан бирликда Ўзбекистоннинг Украина суверенитетига доир конструктив баёнотини юксак баҳолагани ҳақида ёлғон хабар беришмоқда. Қўғирчоқнинг хабари ёлғон бўлмаса эди, расмий хабарда ҳам бу баҳолаш тилга олинган бўларди.

Уилям Бёрнс Қўқон манзират қилиб бир нарса деган бўлиши ҳам мумкин. Ўзбекистондаги тожиклар режими “Ҳаракат”нинг хабарини камситиш мақсадида 12news.uz орқали бошқача хабар тарқатган холос.
« Олдинги хабар Хабарлар рўйхати Кейинги хабар »