26 April 2014
02:18 - Мақсад Путинга шапалоқ уриш бўлса, АҚШ янги элчи танлаш йўли билан ҳам буни қилади
Машҳур New York Times газетасининг 20 апрелдаги сонида айтилишича, Барак Обама ҳукумати Россияга кимни элчи қилиб юбориш хусусида бир қарога келиб бўлди ҳисоб. Янги бўладиган элчининг исми - Жон Теффт. Ҳали унинг номзоди тасдиқланиш учун Конгрессга юборилмаган, аммо шундай бўлиши аниққа ўхшамоқда.

Сочидаги Олимпиада ўйинларидан кейин Москвадан қайтган собиқ элчи Макл Макфол ўрнига Жон Теффтнинг жўнатилиши Москвага ёқмаслиги, бу нарса Россия Президенти Путинга шапалоқдек бўлишини ҳамма тушунди. Чунки, Жон Теффт АҚШнинг Литва (2000–2003 йй), Грузия (2005–2009 йй) ва Украина (2009–2013 йй) давлатларида элчиси бўлган. Айнан Жон Теффт элчилик қилаётган йиллари Россия Гуржистон билан уруш олиб борган, Украина билан уруш остонасига етиб борган. Иккала воқеада ҳам, АҚШ Россиянинг ёнида эмас, қаршисида бўлган. Бунда элчи Жон Теффтнинг ҳам роли бўлмаганига фақат ёш боллаларни ишонтириш мумкин.

Шундай экан, Жон Теффтнинг Москвага элчи этиб тайинланиши Путинга шапалоқ уруш билан барбар нарсадир.
« Олдинги хабар Хабарлар рўйхати Кейинги хабар »