14 April 2014
06:36 - Афғонистондаги президент сайловларининг илк натижаларида ўзбекларнинг роли борми?
5 апрелда ўтказилган сайловларда иштирок этаган 13 номзод ичида Абдулло Абдуллоҳ ва Ашраф Ғани (расмда) фаворит эканлигини жаҳон агантликларига асосланиб биз ҳам хабар қилган эдик. Мана орадан бир ҳафтадан ҳам кўпроқ вақт ўтиб, ўша сайловларнинг илк натижалари эълон қилинди.

Жаҳон агентликлари Афғонистоннинг Мустақил Сайлов Комиссиясига асосланиб хабар қилишларича, 10% фоиз бюллетенлар саналган. Биринчи ўринда 41,9% овоз олган Абдулла Абдуллоҳ (онаси тожик), иккинчи ўринда 37,6% овоз олган пуштун аслли Ашраф Ғани. Учинчи ўринда қолган Расул Залмай фақатгина 9,8% овоз олибди.

Демак, умумий тенденция маълум деса бўлади. Абдулла Абдуллоҳ ва Ашраф Ғанидан биронтаси олган овозлар 50 фоиздан ошса, у президентлик курсисига ўтиради. Иккаласи ҳам 50 фоиздан кам овоз олса, май ойининг охирида ёки июнь ойининг бошида иккинчи тур ўтказилади.

Яна шуни таъкидлашни истардикки, аввалги хабарларимизда ўзбекларнинг Афғонистондаги лидери Абдурашид Дўстим Ашраф Ғани билан бир командада эканлиги, Ашраф Ғани ғалаба қозонса, Абдурашид Дўстимни ўз ёрдамчиси қилишга ваъдан берганлигига асосланиб, Ашраф Ғани энг камида ярим ўзбек бўлса керак деб тахмин қилган эдик.

Афғонистонлик ўзбеклардан олинган маълумотларган кўра, ундай эмас экан. Ашраф Ғанининг миллати пуштун, у бир маҳаллар Абдурашид Дўстимга ёмон муносабатда ҳам бўлган. Аммо, ҳозир сиёсий манфаатларидан келиб чиқиб, тўғрироғи, ўзбек ва туркманларнинг ҳам овозини олиш мақсадида, Абдурашид Дўстимни ўз командасига олган, маълум маънода коалиция қурган.

Нима бўлганда ҳам, сиёсат сиёсатдир. Президентиликка номзод бўлган одам ўзбекларнинг овозига муҳтожми, демак, у ерда ўзбекларнинг сиёсий кучи бор, у ерда ўзбекларнинг лидери Абдурашид Дўстим бор. Ўзбеклар ҳамма ерда ўз кучларидан фойдаланишга ўрганишлари керак. Аммо, ҳозирча, буни кўрсатувчи мисоллар кам. Бу каби мавзуларни фақат "Бирлик" Партияси ва "Ҳаракат" Агентлиги кўтараётгани ҳам эътиборга сазовордир.

Расмда – узоқ йиллар Туркияда феълан сургунда яшаган Абдурашид Дўстимнинг 2009 йили Афғонистонга қайтишида кутиб олиниши.
« Олдинги хабар Хабарлар рўйхати Кейинги хабар »