11 April 2014
14:52 - Яхши хабар: Урганчдан Мюнхен ва Венага янги авиарейслар очилди, Бухородан ҳам очилади, аммо...
Хоразм вилоятида туризмни тивожлантириш мақсадида шу йилнинг 25 мартдан бошлаб ҳафтасига бир марта Тошкент–Вена–Ургенч–Тошкент, 28 мартдан бошлаб Тошкент–Мюнхен–Ургенч–Тошкент авиарейслари ишга тушди. Тўғрироғи, Тошкентдан Вена ва Мюнхен шаҳарларига учадиган учоқлар энди Хоразмда ҳам тўхтаб ўтиши ҳақида гап кетмоқда.

2015 йилнинг 19 апрель кунидан бошлаб Тошкент–Париж–Тошкент авиарейси ҳам Ургенчда тўхтаб ўтиши режалаштирилган.

Умуман олганда яхшилик ҳавоси келиб турган бу хабарлар “Ўзбекистон Ҳаво Йўллари” ширкатининг сайтида берилган.

Аммо, билмаганлар учун эслатиб ўтиш керакки, мамлакатимизда “Ўзбекистон Ҳаво Йўллари” ширкати бу соҳанинг монополистидир. Бу монополист ҳам давлатнинг қўлида. Шу сабаби, бизда яқин орада бу соҳани ривожлантиришда муҳим ўзгаришлар бўлиши ҳам мумкин эмас.

Солиштириш учун айтиш керакки, Қозоғистонда авиаташимачилик билан шуғулланадиган 5 ёки 6 та хусусий ширкат бор. Бу ҳақда биз аввал хабар бергандик. Қозоғистонда дворниклар ўзбек профессорларидан кўп ойлик олишига хавас қилиб ўтирганимиз каби, яқин орада қозоқларнинг авиаташимачиликдаги ишларини оғиз очиб тамоша қиладиган ҳолга тушишимизнинг эҳтимоллиги йўқ эмас.
« Олдинги хабар Хабарлар рўйхати Кейинги хабар »