Россия Бош вазирининг ўринбосари Игорь Шувалов шу йил май ойида Россия, Белорусия ва Қозоғистон раҳбарлари Евросиё Иқтисодий Бирлиги (ЕИБ) тузиш ҳақидаги шартномани имзолайдилар, деб хабар беради русларнинг РИА “Новости” агентлиги.

200 йили тузилган Евросиё Иқтисодий Ҳамжамиятининг (ЕИҲ) уч аъзоси тарафидан яратиладиган Евросиё Иқтисодий Бирлиги фаолиятини 2015 йил 1 январдан бошлар экан. Келажакда ЕИБ Европа Иттифоқи (ЕИ) билан “умумий иқтисодий майдон” ва “эркин савдо зонаси” яратиш режаларини муҳокама қилар эмиш.

Тахмин қилиш қийин эмаски, охирги фикр русларнинг истагини билдиради, холос. Балки, аввал шу ҳақда қандайдир гаплар бўлган бўлиши мумкин. Аммо, Россия Қримни босиб олгандан кейин, Россиянинг Европа Иттифоқи билан яқинлашишини эмас, аксинча, узоқлашишини кутиш керак.

Динамик дунёда бўлаётган воқеаларга Ўзбекистон фақат кузатувчи сифатида қараётгани келажагимиз учун хавфлидир, дейди мухбиримиз. Президент Ислом Карим инидан чиқмасдан, халқаро майдонда кўринмаётгани сабабли, мамлакатимизнинг кун сайин чўкиб бораётган иқтисодининг келажаги йўққа ўхшайди. Бунинг устига, Ислом Карим нима қилаётганини ҳам тушунмайдиган ҳолга тушиб қолган. Ўзбекистон аввал ЕИҲга аъзо бўлиб, кейин аъзолигини тўхтатиб қўйгани ҳам мамлакатимиз президентининг носоғломлигини кўрсатадаган фактлардан биридир.

Аҳволни ўзгартиришнинг ягона йўли Ислом Карим раҳбарлигида Ўзбекистонда ҳукмронлик қилаётган тожиклар режимини ағдариш ва ЕИ билан яқинлашиш жараёнларини тезлаштиришдир.

Маълумки, ЕИнинг бир қатор юксак даражали мулозимлари “Бирлик” Партияси раҳбариятининг аъзолари билан учрашганлар, бу партиянинг позиясини яхши биладилар. Қолаверса, айнан “Бирлик” Партиясининг таклифи билан, Европа Иттифоқи Андижон воқеаларидан кейин Ўзбекистонга қарши санкциялар киритиш ва уни изоляция қилиш ўрнига, Ўзбекистон билан хамкорликни чуқурлаштириш йўналишида ҳаракат бошлаган.

Демак, Ислом Карим режими ағдарилгандан кейин ЕИ билан алоқалар нолдан бошланмайди, келган жойидан давом этаверади.