09 April 2014
07:42 - Россияни Европадан “ҳайдаш” йўлида биринчи қадам қилинди
Сал кам ҳамма Европа мамлакатларини бирлаштирувчи Европа Кенгаши номли халқаро ташкилотнинг Парламент Ассамблеясида (ЕКПА) Қримни босиб олган Россияни жазолаш мақсадида уни вақтинчалик овоз бериш ҳуқуқидан маҳрум қилиш йўналишида иш бошланди. Аввал шу масала бўйича қонун лойиҳаси тайёрланди ва кеча ЕКПАнинг Мониторинг Комитети бу лойиҳани тасдиқлади. Энди бу лойиҳа ЕКПАнинг сессиясида тасдиқланиб, қонуний кучга киради.

Бу каби қонунларни Чеченистонда уруш кетаётган йиллари ҳам Россияга қарши вақтинча киритишганди, ўшанда уларнинг Россияга қандайдир таъсир кўрсатганини айтиб бўлмайди.

Россиянинг ЕКПАдаги делегация раҳбарининг ўринбосари Леонид Слуцкий бу сафарги лойиҳани ҳам камситиш учун қуйидагича гапирибди: “Лойиҳанинг юмшоқроқ варианти қабул қилинди, бизни ваколатларимизни эмас, вақтинчалик овоз бериш ҳуқуқимизни тўхтатиб қўйишмоқчи.”

Табиий, ЕКПА бу қонунни қабул қилиб, у билан чагараланса, Россияга катта таъсир бўлмайди. Аммо, воқеаларнинг ривожланишидан кўриниб турибдики, бу сафар ЕКПА яна илгари кетади. Россияни бу ташкилотдан чиқариш ҳам кун тартибига келиши мумкин. Ана ўшанда Россияга катта зарба берилган бўларди.
« Олдинги хабар Хабарлар рўйхати Кейинги хабар »