30 March 2014
23:48 - Туркиядаги маҳаллий сайловларнинг илк натжалари
Бу мамлакатда ўтказилган маҳаллий сайловларнинг илк натижалари эълон қилинишга бошланди.

Давлатнинг расмий Анадўли Агантлиги тарқатган расмий хабарларга кўра, тахминан 30 фоиз бюллетенлар саналгандан кейин қуйидаги натижалар маълум бўлган. Туркия бўйича ҳозир ҳокимиятда бўлган Адолат ва Тараққиёт Партияси (АТП) сал кам 48 фоиз, Жумҳурият Халқ Партияси ЖХП) 27 фоиздан кўпроқ, Миллиётча Ҳаракат Партияси (МҲП) 13,5 фоиз атрофида овоз олган.

Энг катта учта шаҳарда аҳвол шундай: Истанбулда сал кам 49 фоиз билан АТПнинг ҳокимликка номзоди биринчи ўринда, Анқарада 46 дан ортиқроқ фоиз билан яна шу партиянинг номзоди олдинда. Измирда 47 фоиз билан ЖХПнинг номзоди олдинди.

Кўриниб турибдики, ҳокимиятдаги АТП коррупция ва порахўрлик ботқоғига ботгани маълум бўлгандан кейин ҳам турклар бу партияга энг кўп овоз берганлар. Бу натижаларда катта ўзгаришлар бўлмаса, ҳокимиятдагилар қувониши табиий, аммо Туркия ўрта асрларга қараб кетаётгани ҳақидаги “Ҳаракат”нинг башоратлари амалга ошаётгани “Ҳаракат” Агентлигининг ўзидан бошқа яна кимни қувонтирар экан?
« Олдинги хабар Хабарлар рўйхати Кейинги хабар »