26 March 2014
21:20 - Ўзбекистонни МДҲнинг Эркин Савдо Ҳудудига олиш йўлида яна бир қадам
Ўрсиларнинг бир қанча ахборот воситалари Россия парламентининг юқори палатаси - Федерация Кенгаши МДҲ Эркин Савдо Ҳудуди/Зонасига Ўзбекистонни ҳам қўшиш тўғрисидаги протоколни ратификация қилгани ҳақида ёзди. Мазкур протокол ўтган йил май ойида МДҲ ҳукумат раҳбарларининг Минскдаги учрашувида имзолангани ва бир неча кун аввал бу протокол Давлат Думасидан ўтгани ҳақида “Ҳаракат” агентлиги хабарлар берган эди.

Собиқ иттифоқ республикалари иштирокидаги Эркин Савдо Ҳудуди 2011 йилда 8 давлат орасида тузилган. Унга ҳозирча Россия, Украина, Беларус, Қозоғистон, Арманистон, Тожикистон, Молдова ва Қирғизистон қўшилган. Протокол кучга кириши учун уни 8 мамлакатнинг ҳаммаси ратификация қилиши керакми, деган саволга хабарларда жавоб йўқ.
« Олдинги хабар Хабарлар рўйхати Кейинги хабар »